Kolaportið
IS | EN

Velkomin á heimasíðu Kolaportsins


Vörumóttaka kvöldið fyrir menningarnótt

Þar sem öll umferð bifreiða verður lokuð að morgni menningarnætur 22. ágúst þá bjóðum við leigjendum sölubása að koma á föstudeginum með vörur og gera básinn kláran. Við verðum með vörumóttökuna opna frá kl. 17 til 19. 

Þeir sem þurfa að taka dótið sitt heim að loknum laugardegi er boðið að koma frekar að morgni sunnudags að sækja það vegna götulokana.

 

Kolaportið var opnað 8. apríl 1989 í bílageymslu bílastæðasjóðs Reykjavíkur í húsi Seðlabankans í miðborg Reykjavíkur. Með stuðningi Reykjavíkurborgar og Fjármálaráðuneytisins flutti Kolaportið starfsemi sína á árinu 1994 í framtíðarhúsnæði á neðstu hæð Tollhússins við Tryggvagötu í miðborg Reykjavíkur.

 

 

Það eru fáir staðir hér á landi sem fólk sækir meira en markaðstorg Kolaportsins. Fjölbreytnin gerir þetta skemmtilega umhverfi ólíkt öllum öðrum verslunarstöðum,  en þar er að finna notaða vöru, nýja vöru, matvæli, handverksvöru, fatnað, skartgripi,  skó, antikvöru, húsgögn, bækur, innfluttar vörur frá öllum heimshornum, svo eitthvað  sé nefnt. Stemningin á markaðstorginu er eins og í litlu bæjarfélagi, kaupmenn kalla á viðskiptavini, heildsalar kynna nýja vöru, stjórnmálaöfl dreifa bæklingum, kórar  taka lagið og selja kompudót í fjáröflunarskyni, fjöldi manns er mættur með gamla  dótið úr geymslunni og ættarmótin koma saman í Kaffi Porti.

 

Kolaportið er opið laugardaga og sunnudaga frá kl. 11-17 .

 

Kolaportið á Facebook

 

Kolaportið | Tryggvagötu 19 | 101 Reykjavík | Sími 562 5030 | kolaportid@kolaportid.is