Nýir rekstraraðilar tóku við Kolaportinu síðasta haust og með þeim hófst nýr kafli í sögu þessa einstaka markaðar. Nýir rekstraraðilar, þeir Róbert Aron og Einar Örn, hafa meðal annars rekið Götubitahátíðina í Reykjavík og City Food Hall mathöllina í Stokkhólmi og hafa víðtæka og langa þekkingu af rekstri og veitingabransanum.

Róbert og Einar koma með ferska sýn á hvernig Kolaportið mun þróast og blómstra á komandi árum.

Fyrir jól 2025 var haldinn afar vel heppnaður jólamarkaður, Jólaportið, þar sem fjöldi nýrra söluaðila mættu í Kolaportið og gestir streymdu að í mun meira mæli en áður. Stemningin var lifandi, fjölbreytt og hugguleg.

Fram undan eru frekari breytingar sem munu gera Kolaportið að enn meira spennandi og líflegri áfangastað – bæði fyrir Íslendinga og ferðamenn sem vilja upplifa eitthvað ekta, óvænt og skemmtilegt í hjarta Reykjavíkur.